ኣብ ኤርትራ ሃገርና ቅሳነት ሲኢንና፡ ሰላም ሲኢንና፡ ፍትሒ ሲኢንና፡ ቅዋም ሲኢንና፡ ብገዛእ ሃገርና ካልኣይ ሳልሳይ ዜጋ ኰይንና፡ ብኤርትራዊ ሃገራዊ ብሃገናውነት ዝምባሌ ዘለዎ ዝሓቁፍ ስርዓት ሲኢንና።

ስርዓት ህግደፍ ወገናዊያን እንዳ ሻዕብያኮ ኣዋሪዶምና፡ ኣብ ውሽጥና ዘሳቑና ዘለዉ ከይኣኽለና፡ ምስ ጎራብትናን ዓለምናን ከይተረፉ ኣባኢሶምና፡ ኣጻሊኦምና፡ ሽምና ኣኽፊኦምና፡ ካብ ዓለምና ኣነጺሎምና፡ ዘይ ባህሪኢያትና ኣላልዮምና።

መርሓባ እገዳ!
እገዳ እወ እገዳ ..... ንስርዓት ህግደፍ ክትሰብር መንጉዳ ...... ህዝቢ ኤርትራ ክሓልፈሉ ካብ ጸበባ ኣደዳ ...... ካብ ስርዓት ህግደፍን መጣቕቱን ይላቐቕ እኳ ብዝያዳ። ...... ኣንቲ እገዳ ሎሚዶ ተፈሊጥኪ ...... ንህዝቢ ኤርትራ ደኣ ማዓስ ሎሚ ኰይኑ እቲ እገዳኺ ....... እገዳ ናጽነት ምስተጓናጸፍኪ ...... ብዘይ ቅዋም፡ ብዘይ ፍትሒ፡ ብዘይ ነጻ ፕረስ ናብ ባርነት ስርዓት ምስ ለበስኪ ....... ብገዛእ ሃገርኪ ካልኣይ ሳልሳይ ዜግነት ምስ ተቖጸርኪ ...... ሽዕዑ ኢኺ ብስርዓት ህግደፍ ዝተኣገድኪ።

ምክልኻል ሰራዊት ኤርትራ ኣንታ ሓላው ወሰን ዋሕስ ሃገርን ህዝብን። ናትካ ግደ እንታይዩ ኣብዚ መድረኽ እዚ፡ ብውድብ ሕቡራት መንግስታት ዝሓለፈ ውሳነ እገዳ ኣብ ልዕሊ ኤርትራ ብሰንኪ መራሕትኻ ስርዓት ህግደፍ ኣብ ህልም ዝበለ ጸላም ኤርትራ ሃገርካ ኣደቕዲቖማ ኣለዉ። ናብ ምክልኻል ዝድርኽ መድረኽውን ኣይኮነን ንናይ ስርዓት ህግደፍ ህላወ ሕቶ እዩ ሓሓኒቕካ ክሳዱ ጥራሕ ሓዞ ዋሕስ ኩኖ ንህዝብኻን ሃገርካን ተቛጻጸር። ነዚ ክትገብር እንተዘይ ኪኢልካ ተኾርሚኻ ሞት ኣሳፊሕካ ሞት'ዩ መፍቶ ዕላማ እቲ ስርዓት ክትከውን ኢኻ። ቅድሚ ኩነት ዝመጸካ ከይሳዕረረ ነቲ ደልሃመት ኣቐዲምካ ነቲ ስርዓት ካብ ስሩ ሚሒኻ ተቛጻጸሮ፡ ንቡሩ ኸኣ ክምለስ'ዩ ናይ ሕቡራት መንግስታት እገዳ ምስ ህዝብኻን ምሳኻን ክኾኑ እዮም።

ብሕቡራት መንግስታት አብ ልዕሊ ኤርትራ ዝተወሰነ ማዕቀብ ንህዝቢ ኤርትራ ብኸመይ ይጸልዎ?
ዝብል ርጡብ ዝኾነ መልእኽቲ ናብ ህዝቢ ኤርትራ ብሓጎስ (ዓ. ብሪጣንያ) ዝተመሓላለፈ ምንጪ ካብ ራዲዮ ኣሰና...